लडाकू शिविर भ्रष्टाचारमा प्रधानमन्त्रीदेखि कांग्रेस उपसभापति पौडेलसम्म
२८ साउन, काठमाडौं । अख्तियार दुरुपयोग अनुसन्धान आयोगले माओवादी लडाकू शिविरमा भएको भ्रष्टाचारमाथि छानबिन अघि बढाउँदै प्रधानमन्त्री सुशील कोइराला, शान्ति मन्त्रालयको नेतृत् वगर्ने पहिलो मन्त्री कांग्रेस उपसभापति रामचन्द्र पौडेलसहित शान्ति तथा पुननिर्माणमन्त्री नरहरि आचार्यसम्मलाई अनुसन्धानको दायरामा तानेको छ ।
अख्तियारले प्रधानमन्त्री सुशील कोइरालालाई समेत शान्त्रिमन्त्रीको हैसियतमा जवाफ मागेको छ । कोइरालाले आचार्यलाई सो मन्त्रालयको जिम्मेवारी दिनुअघि केही समय आफैंले राखेका थिए । अख्तियारले पठाएको पत्रमा सबै मन्त्रीको नाम नै किटान गरी लडाकू भ्रष्टाचार छानविनको दायरामा परेको भन्दै जवाफ मागेको मन्त्रालय स्रोले बताएको छ ।
अख्तियारले शान्ति मन्त्रालयका तत्कालीन सचिवदेखि लिएर शिविर व्यवस्थापन केन्द्रीय समन्वयकर्ताको कार्यालयका सचिवसहित चार कर्मचारीलाई समेत लडाकूका नाममा भएको रकम भुक्तानीबारे जानकारी दिन पत्राचार गरेको छ । माओवादी लडाकू शिविरका लागि राज्यले दिएको ४६ करोड १० लाख रुपैयाँ भ्रष्टाचार भएको उजुरीमाथि छानबिनको फाइल खोल्दै अख्तियारले धमाधम पत्र पठाउन थालेपछि शान्ति मन्त्रालयले जवाफका लागि मस्यौदा समिति नै गठन गरेको छ । शान्ति मन्त्रालय स्रोतका अनुसार अख्तियारले लडाकूलाई रकम भुक्तानी दिन तत्कालीन मन्त्री रामचन्द्र पौडेलदेखि हालका शान्ति तथा पुननिर्माणमन्त्री नरहरि आचार्यसँग भ्रष्टाचारबारे एकमुष्ठ जवाफ माग गरेको छ ।
- See more at: http://www.onlinekhabar.com/2014/08/178791/#sthash.gqXhuae2.XfTimYIB.dpuf
0 comments
Write Down Your Responses